BUGLASAN 2026

Gipakita sa 10th City Council, nga gipangulohan ni Vice Mayor Hon. Rusmar Ian D. Tijing, ang ilang suporta kang Mayor Hon. John T. Raymond, Jr. sa pag-apil ug pagrepresentar sa Syudad sa Bayawan atol sa opening ceremony sa Buglasan Festival 2026.

Ang maong kalihokan nagtigom sa nagkalainlaing lokal nga pangagamhanan sa Negros Oriental aron sa hiniusang pagsaulog sa dato nga kultura, tradisyon, ug kabilin sa probinsya. Pinaagi niini, gipakita ang garbo sa matag lungsod ug dakbayan sa ilang kaugalingong identidad ug kontribusyon sa pagpreserbar sa mga tradisyon nga naghulma sa pagkatawo sa mga Negrense.

Ang pag-apil sa Syudad sa Bayawan nagpamatuod usab sa padayong suporta sa lokal nga pangagamhanan sa mga kalihokan nga nagpalig-on sa panaghiusa, panag-uban, ug garbo sa mga katawhan sa Negros Oriental. Usa kini ka higayon sa pagpakita sa panaghiusa sa mga lokal nga pangagamhanan ug sa ilang hiniusang pagpasidungog sa kultura ug kabilin sa probinsya.

Pinaagi sa maong selebrasyon, padayon nga gipalig-on ang espiritu sa panaghiusa ug ang garbo sa pagkahimong Negrense.

#KitaAngBayawan #IbayawBayawan #bayawancitycouncil