5TH GREENING DAY ANNIVERSARY | August 28, 2026

Gipangunahan ni City Vice Mayor Hon. Rusmar Ian D. Tijing ang pagselebrar sa 5th Year Anniversary sa Greening Day nga gihimo subay sa Ordinance No. 30, Series of 2020, diin gipahigayon ang usa ka Coastal Clean-Up Activity isip pagpanguna sa paningkamot alang sa pagpanalipod ug kalimpyo sa dakbayan.

Mitambong sa maong kalihokan ang mga opisyal sa lokal nga pangagamhanan, mga empleyado sa gobyerno, partner organizations, mga estudyante, volunteers, ug mga miyembro sa komunidad nga nagkahiusa sa pagmintinar sa kalimpyo ug katahom sa baybayon.

Sa iyang mensahe, gipasiugda ni Vice Mayor Tijing ang kamahinungdanon sa panaghiusa ug aktibong partisipasyon sa matag usa sa mga programa nga nagtumong sa pagpanalipod sa kinaiyahan.

Matud pa, ang pag-atiman sa kalikupan dili lamang responsibilidad sa usa ka opisina o ahensya, kundili usa ka kolektibong responsibilidad sa tibuok komunidad.

Pinaagi sa pagpanguna ni Vice Mayor Tijing ug sa panaghiusa sa nagkalain-laing sektor, gipakita nga ang Greening Day dili lamang usa ka tinuig nga selebrasyon, kundili usa ka padayon nga inisyatibo alang sa mas limpyo, mas ug mas malungtarong Dakbayan sa Bayawan.

#KitaAngBayawan #IbayawBayawan #bayawancitycouncil