PALENG QR PH PLUS GRAND LAUNCHING | AUGUST 27, 2026

Malampusong gipahigayon karong adlawa, Agosto 27, 2026, ang PALENG QR PH PLUS Grand Launching sa Bayawan-NORSU Arena, diin kapin sa liboan ka mga tawo ang mitambong sa maong programa. Lakip sa mga mitambong ang mga estudyante gikan sa public ug private schools, mga empleyado sa lokal nga pangagamhanan, service providers, ug uban pang stakeholders.

Mitambong usab ang tibuok City Council, ubos sa pagpanguna ni Vice Mayor Rusmar Ian D. Tijing, nga nagpahayag sa iyang paglaum nga madawat ug ma-adopt sa mga katawhan sa dakbayan ang maong digital innovation alang sa mas episyente ug mas inklusibong financial transactions, ingon man sa pagpalambo sa digital financial literacy.

Dako usab ang kalipay ug pasalamat ni City Councilor Hon. Efleda Renacia, nga maoy nag-unang nagsuporta ug nag-sponsor sa ordinansa nga nahimong pundasyon sa pagpatuman sa PALENG QR PH PLUS sa atong dakbayan.

Magpadayon ang 10th City Council sa pagpanday ug pagsuporta sa mga ordinansa ug programa nga nagtumong sa kalamboan, kauswagan, ug kaayohan sa tanang Bayawanon.

#KitaAngBayawan #IbayawBayawan #bayawancitycouncil