Know Your Money Session

Malampuson nga gipahigayon ang Know Your Money Session, usa ka kalihokan nga nagtumong sa pagpalambo sa kahibalo sa publiko bahin sa hustong pagdumala sa kwarta, pagtipig, pag-budget, ug luwas nga paggamit sa digital financial services.

Gipasidunggan kini sa presensya ni Vice Mayor Rusmar Ian D. Tijing, kinsa mipadayag sa iyang suporta sa mga programa nga nagpalig-on sa pinansyal nga kahibalo ug kahimtang sa katawhan. Nagpasalamat usab siya sa mga ahensya ug institusyon nga nagtinabangay aron mapalapdan ang financial literacy sa komunidad.

Dakong pasalamat usab sa mga representante gikan sa Bangko Sentral ng Pilipinas (BSP) nga naghatag og bililhong kahibalo ug giya kabahin sa responsableng pagdumala sa salapi ug sa paggamit sa digital payment platforms.

Dili usab mahimong mahikalimtan ang partisipasyon sa mga representante sa lokal nga kagamhanan, mga miyembro sa lain-laing sektor, ug tanang mga partisipante nga mitambong ug aktibong nakigbahin sa maong sesyon.

Pinaagi sa panaghiusa sa lokal nga panggamhanan, BSP, ug sa komunidad, nagpadayon ang pagpalig-on sa kahibalo sa katawhan aron makahimo og mas maayong pinansyal nga mga desisyon alang sa mas lig-on ug mas mauswagon nga kaugmaon.

#KitaAngBayawan #IbayawBayawan #bayawancitycouncil