Digital Financial Literacy | 2nd Batch

Ang ikaduhang batch sa mga partisipante mao ang Market Vendors Group sa dakbayan sa Bayawan. Tumong jyapon sa maong session ang paghatag kanila og kahibalo ug praktikal nga giya sa husto, luwas, ug episyenteng paggamit sa digital payment system.

Ang Paleng-QR Ph Plus usa ka digital payment initiative nga gisuportahan sa Bangko Sentral ng Pilipinas (BSP) ug Department of the Interior and Local Government (DILG), nga nagtumong sa pagpalambo sa digital financial inclusion ug cashless transactions sa mga lokal nga komunidad.

Mitambong usab isip partners ang nagkalain-laing bangko, online payment platforms ug service providers sama sa Maya, BDO, RCBC, Todo Savings, PalawanPay, BPI, ug LANDBANK, nga nagpakigbahin sa ilang kahibalo ug serbisyo aron mas mapalapad ang paggamit sa digital financial services sa Dakbayan sa Bayawan.

Uban sa pagtinabangay sa lokal nga pangagamhanan, mga financial institutions, ug mga stakeholders, padayon ang Dakbayan sa Bayawan sa pagdawat sa mga bag-ong teknolohiya alang sa mas paspas, mas sayon, ug mas luwas nga pinansyal nga transaksyon.

#KitaAngBayawan #IbayawBayawan #bayawancitycouncil