ISO 9001:2026 FDIS Appreciation Workshop

Ang Opisina sa Sangguniang Panlungsod nagpahigayon og ISO 9001:2026 FDIS Appreciation Workshop, nga gitambongan sa mga Department Head, Section Head sa nagkalain-laing opisina sa Lokal nga Pangagamhanan, mga kawani sa Sangguniang Panlungsod, City Vice Mayor Rusmar Ian D. Tijing, ug City Mayor John T. Raymond Jr.

Isip keynote speaker, si Dr. Dindo A. Uy, PhD, mipaambit sa iyang kahibalo ug kasinatian bahin sa Quality Management System (QMS), samtang isip facilitator, si Mrs. Rosario Teresita A. Uy nanguna sa mga kalihokan atol sa workshop.

Pinaagi sa ilang mga presentasyon ug pagpaambit sa kahibalo, mas gi pasabot sa mga opisyal ug kawani sa mga prinsipyo ug standards sa Quality Management System, lakip na ang mga pamaagi aron mapalambo pa ang kalidad ug kaepektibo sa mga proseso sa serbisyo publiko.

Tumong sa maong kalihokan nga mapalig-on ang Quality Management System sa Lokal nga Pangagamhanan sa Dakbayan sa Bayawan, ug mapalambo ang makanunayon nga pagpauswag sa mga proseso, sistema, ug serbisyo alang sa mga Bayawanon. pinaagi sa continuous improvement, gilauman nga mas mapalig-on pa ang kalidad, kaepektibo, ug kasaligan sa serbisyo publiko sa matag opisina sa City Government of Bayawan

#KitaAngBayawan #IbayawBayawan #bayawancitycouncil