Project SAFE BSKE 2026

Malampusong gipahigayon ang Project SAFE BSKE 2026, usa ka Joint Seminar-Workshop on Election Law Enforcement, Deputization, and Tactical Security Protocols, sa Sangguniang Panglungsod Session Hall, Legislative Building, City of Bayawan.

Gipangulohan kini sa COMELEC-Bayawan City ubos sa pagpangulo ni Election Officer Atty. Dominic Ian S. Marigomen, ug gitambongan sa mga men and women in uniform gikan sa nagkalain-laing lungsod ug munisipyo sa Third District, mga Election Officers, Partner Agencies, ug Department Heads nga miyembro sa City Election Monitoring Action Center.

Mitambong usab sa maong sesyon si OIC Mayor Rusmar Ian Tijing, isip representante sa lokal nga pangagamhanan ug ni Mayor Jack Raymond sa Syudad sa Bayawan.

Adunay lima ka sesyon nga naghisgot sa election law enforcement, deputization, tactical security protocols, ug mga angay nga lakang sa pagpangandam alang sa umaabot nga eleksyon.

Pinaagi sa maong inisyatiba, gilauman nga mas mapalig-on ang inter-agency coordination, operational readiness, seguridad, ug kahapsay aron masiguro ang safe, secure, free, fair, ug peaceful elections sa tibuok Third District.

#KitaAngBayawan #IbayawBayawan #bayawancitycouncil