46th Regular Session

Bayawan City Council | 46th Regular Session

Nagpadayon ang Sangguniang Panlungsod sa Dakbayan sa Bayawan sa pagpanday ug pagpalambo sa mga ordinansa ug resolusyon nga nagtumong sa kaayohan ug kauswagan sa katawhan.

Atol sa 46th Regular Session, gihimo ang courtesy call ni Ms. Anna Marie Yalong Tumlad, ang kandidata sa Queen Universe Philippines nga nagrepresentar sa Dakbayan sa Bayawan.

Gipakita sa mga miyembro sa City Council ang ilang dakong suporta kang Ms. Anna Marie sa iyang pagrepresentar sa Bayawan City sa maong kompetisyon. Gipahayag usab ni City Vice Mayor Rusmar Ian D. Tijing ang iyang pasalamat ug garbo kang Ms. Anna Marie sa pagdala sa ngalan sa Bayawan ngadto sa mas lapad nga entablado.

Samtang, lakip usab sa mga gihisgutan atol sa maong sesyon ang accreditation sa mga kwalipikadong aplikante alang sa Motorized Tricycle Operator’s Permit (MTOP) ug Franchise, isip kabahin sa pagpalig-on sa regulasyon ug hapsay nga operasyon sa pampublikong transportasyon sa dakbayan.

Nagpadayon ang Sangguniang Panlungsod sa pagtrabaho alang sa usa ka mas organisado, luwas, ug mauswagon nga Syudad sa Bayawan alang sa matag Bayawanon.

#KitaAngBayawan #IbayawBayawan #bayawancitycouncil