Ligtas Tigdas 2026

Mitambong usab karong adlawa si OIC Mayor Rusmar Ian D. Tijing sa programa sa City Health Office nga “Ligtas Tigdas 2026” nga gihimo sa Barangay Kalumboyan, City of Bayawan.

Ang programa nagtumong sa pagpalig-on sa kampanya batok sa measles o tigdas pinaagi sa pagbakuna sa mga kwalipikadong kabataan, ingon man sa paghatag og hustong impormasyon ngadto sa mga ginikanan mahitungod sa importansya sa immunization.

Gipasaligan usab sa City Government ang padayong pakigtambayayong sa City Health Office, mga barangay health workers, ug komunidad aron mas mapalambo ang vaccination coverage ug malikayan ang pagkaylap sa mga sakit nga mapugngan pinaagi sa bakuna.

Ang Ligtas Tigdas 2026 kabahin sa padayong paningkamot sa mga health workers ug lokal nga panggamhanan aron masiguro nga ang mga kabataan makadawat sa gikinahanglang bakuna alang sa ilang proteksyon batok sa tigdas ug uban pang vaccine-preventable diseases.

#KitaAngBayawan #IbayawBayawan #bayawancitycouncil