Negros Oriental Car Camping and Overlanding (NOCCO)

Mainiton nga giabi-abi ni Vice Mayor Hon. Rusmar Ian D. Tijing, uban ni Punong Barangay sa Barangay Villareal Elter Tijing Gidaya, ang mga miyembro sa Negros Oriental Car Camping and Overlanding (NOCCO) atol sa ilang pagbisita sa Dakbayan sa Bayawan.

Ang maong kalihukan usa usab ka higayon aron mapaila ang Bayawan isip usa ka luwas, maabiabihon, ug angay nga destinasyon alang sa mga mahigugmaon sa road trips, car camping, ug outdoor adventures. Pinaagi sa panaghiusa sa lokal nga panggamhanan ug sa mga organisasyon sama sa NOCCO, nagpadayon ang paningkamot sa pagpalambo sa turismo ug lokal nga ekonomiya pinaagi sa responsableng pagbiyahe ug pag-atiman sa kinaiyahan.

Ang Sangguniang Panlungsod, ubos sa pagpangulo ni Vice Mayor Hon. Rusmar Ian D. Tijing, nagpasalamat sa Negros Oriental Car Camping and Overlanding (NOCCO) sa ilang pagbisita sa Bayawan. Hinaut nga kini mahimong sinugdanan sa dugang pang mga kalihukan nga magpaila sa katahum ug pagkamaabiabihon sa atong dakbayan.

#KitaAngBayawan #IbayawBayawan #bayawancitycouncil