43rd Regular Session

Nagpadayon ang Sangguniang Panlungsod sa Dakbayan sa Bayawan sa paghisgot ug pagpalig-on sa mga polisiya, programa, ug mga ordinansa nga nagtumong sa mas maayong serbisyo publiko ug padayon nga kalamboan sa dakbayan atol sa ika-43rd Regular Session.

Gitambongan sa nagkalain-laing Civil Society Organizations (CSOs), mga aplikante sa Motorized Tricycle Operator's Permit (MTOP), ug uban pang mga stakeholders ang maong sesyon diin gidiskusyonan ang nagkalain-laing endorsements, ordinansa, resolusyon, ug mga legislative measures.

Usa sa mga mahinungdanong nahitabo mao ang paghatag sa Certificate of Accreditation ngadto sa Minaba Senior Citizen Organization ug sa Nangka Agrarian Farmers Organization, isip pag-ila sa ilang papel isip mga kaabag sa pagpalambo sa komunidad. Gihatagan usab og MTOP ang pipila ka mga aplikante human nila matuman ang tanang gikinahanglang proseso aron mahimong legal nga operators ug aktibong katuwang sa kalamboan sa dakbayan.

Gidiskusyonan usab sa konseho ang proposal alang sa pagbutang og duha ka portable toilets sa German P. Sarana Jr. Boulevard Yellow Box sa Barangay Villareal aron mas mapalambo ang kasayonan ug kaayohan sa mga lumulupyo ug mga bisita.

Usa usab ka talagsaong higayon ang pag-ila sa duha ka bag-ong doktor nga produkto sa Doctors of the Barrio Scholarship Program sa Dakbayan sa Bayawan. Sa ilang mensahe, ilang gipadayag ang ilang pasalamat sa Lokal nga Panggamhanan sa Bayawan, ilabina kang Mayor John T. Raymond Jr., Vice Mayor Rusmar Ian D. Tijing, ug sa tanang miyembro sa Sangguniang Panlungsod alang sa walay hunong nga suporta ug giya nga nakatabang kanila sa pagkab-ot sa ilang pangandoy.

Padayon nga nagtrabaho ang Sangguniang Panlungsod aron masiguro nga ang matag polisiya ug programa mahimong tubag sa mga panginahanglanon sa katawhan ug maghatag og dugang nga kaayohan alang sa tanang Bayawanon.

#KitaAngBayawan #IbayawBayawan #bayawancitycouncil